大埔火災 | 由細住到大深感不捨 陳小姐由屋內望出窗：最後望一望個景

住在宏昌閣15樓居民陳小姐與妹妹星期五(4月24日)各行兩轉上樓執拾，父母則行一轉。間屋是陳小姐爸爸未結婚時購入的，兩姊妹由細住到大，直至兩人出嫁後才搬出，「由細到大都喺大埔，好唔捨得」。

陳小姐表示與妹妹「由細到大都喺大埔，好唔捨得」。巴士的報記者攝

陳小姐指單位損毀不算嚴重，但3小時根本不夠執拾。陳小姐坦言上到去，「掛住望個屋企，都唔記得咗自己想執啲乜」，最後唯有「見到就擸」，將貴重碎件全部掉落袋中，首兩轉已執了大大細細逾十袋。爸爸的音響器材只搬走了一半，喇叭太重，要留待下次。

陳小姐指單位損毀不算嚴重，但3小時根本不夠執拾。陳小姐提供

最令陳小姐不捨的，是相框裡的照片「雖然知道印得返，但嗰啲好有紀念價值」。她又指自己最後也從屋內窗口望出街，見到老公剛帶着兒子放學，雙方都向彼此揮揮手，算是向單位作最後告別。

陳小姐指單位損毀不算嚴重，但3小時根本不夠執拾。陳小姐提供

陳小姐表示，只要有機會，一定再上樓，「執埋剩低的相」。

大埔宏福苑居民第二輪獲安排分批上樓執拾，星期五(4月24日)來到第二日。巴士的報記者攝

在大火中痛失母親的宏昌閣居民羅曉琪完成執拾後，步出舊居，她坦言，今日重返是一次道別，在單位內靜靜坐著感受，心情難以言喻。

羅曉琪憶述，上次獲安排上樓時適逢大雨，心情既趕急又混亂，「執漏嘢，又冇咁仔細慢慢睇。」今次她特地再返舊居，其中一個心願是尋回母親遺下的一對鑽石耳環；她稱，在單位內輕聲問道：「喂，阿媽，阿媽你攞出嚟喎，喺邊啊究竟？」但問了數次始終未能尋回。她又提到，今次在單位內見到母親眼鏡的碎片，令她想起此前一直未能找到眼鏡下落。

羅小姐離開單位後接受訪問時顯得不捨。 巴士的報記者攝

她形容，今次亦是抱著道別的心情重返舊居，「今次有啲心思坐得低，可以慢慢去感受下，真係諗，最後一次。」她與兄長同樣對這個家依依不捨，兄長坦言心中有不捨，但亦深知可能無法再重返。

宏福苑第二輪上樓執拾繼續，安排重災區宏昌閣及宏建閣的居民上樓。巴士的報記者攝